الشاعر محمد متولي

عكاز الأمل المكسور
علي باب السعي
بيشيل ويحط
في أجسادنا
من غير وعي
والصبر يقفل أبوابه
والموت حوالينا
من غير نعي
والحزن بينصب
في الدنيا شباكه
والناس بتأسس
في اركانها البغي
والحال اتبدل
والموت بتوزع مجاني
والعزا شغال
وصفوف مشغوله بالرغي
والسفره اتحطت
والكل بينهش
من جسد الداعي
ولاحد بيسمع
ولا حد مراعي
ومين مدفون
ولا مين واعي
واتخلط الحابل بالنابل
من غير داعي
والحزن من شده صوته
مكسر اسماعي
وسنين بتمر
بطواحين الزمن الدواره
بتعصف أيامي
وتزيد اوجاعي
وانا واقف
في الدنيا لوحدي
وحقيقه الكون المتعري
بتكتف في سواعدي
محتار اختار والحيره
مدفونه جوه مشاعري
وصحيت علي حلم ومتشخبط
في حيطان الزمن الباكي
بكاني وبكا مدامعي
معقوله الدنيا بعد متمشي
بمرور الوقت ممكن ترجعلي