عدنا والعود احمد .. الشاعر ابو نورس..شاهين ابو سعيد
عدنا والعود احمد
____قديش____
قديش الك يا قلب بالصدر مخنوق
وقديش بقيلك ياعمر بالدني سنين
وقديش غبتي ياشمس بعد لشروق
وقديش حاملي الليالي آهات وآنين
وقديش همنا سكّر شرايين وعروق
وقديش عنا للماضي شوق وحنين
وقديش بدها حياتنا لتصفى وتروق
وقديش منسمع إشاعات و تخمين
وقديش النوم من عيونا مسروق
وقديش من البشر عايشي بوجهين
وقديش في ناس شايفي حالافوق
وقديش في أسر عايشي بتقنين
وقديش حطينا بشر جوات الموق
وقديش طلعو معنا نذال وسافلين
وقديش رجال شغلتها الغدر ولبوق
وقديش شفنا لموت وبعدنا عايشين
وقديش عنا للسعادة حب و شوق
وقديش زاد الالم وجروحنا ناسين
وقديش ولاد الحرام ضيّعو حقوق
وقديش عشنا ب حسرة مقهورين
وقديش لازم راعي هالبوش يسوق
وقديش في بيناتنا عَوَار و تايهين
وقديش صحنا مالهن جمال ولا نوق
وقديش طلبنا بحقنا و قالو بعدين
وقديش قلب البي ع ولادو شفوق
وقديش في ولاد باهلهن مقطعين
وقديش بعاد بيجوك مثل البروق
وقديش مين الك محبتك ناسين
وقديش غنايا فكرن الزينه بلخروق
وقديش في فقرا بالعروق مزينين
وقديش ربك بعبادو رحيم وشفوق
وقديش في عباد ب ربهن ملحدين
وقديش بدي عد بعد لتهدا و تروق
وقديش فيك تقول ما زلنا صابرين
مع خالص المودة
ابو نورس..شاهين ابو سعيد
