حظ مفيش .. الشاعر صابر قناوى

بقلم شاعر صابر قناوى
………. حظ مفيش……….
ماشي
فى حالي اديني
ليه
انتي يادنيا ماسيبانيش
بزرع
فيكي يادنيا خير
غير
حنضل مابجنيش
عايش
فيكي والخوف مليني
ليه
لبر أمان مامعدينيش
ليه
بنار بتعذبيني
بصرخ
وانتي مسمعنيش
حالفه
بنار تكوني
وراحة
فيكي مفيش
حزن
ملي قلبى ومخيم فيه
وليه
الفرحه عندي مابجيش
فيه
ناس كتير محظوظه
وأنا
الحظ مدنيش
ليه
مسكالي كرباج
وعلي
أقل غلطه بتحسبيني
وأنتي
بتدي غيري وانا مامسعدنيش
…… كلمات شاعر صابر قناوى