جرح السنين .. الشاعر عماد المـأمـور

جرح السنين
بقلمى : عماد المـأمـور
*******
بنت حوا
لازم تعرفى
مش أنا اللى يجرى
ورا الخاينين
خيانتك وغدرك
مش ممكن
تمسحها السنين
وجرحك لقلبى
هتداويه
نفس السنين
ومهما طالت الأيام
مش ممكن آآمن لك
ولا أرجع لك
حتى لو
نزفت عيونك دم
أو
هيقتلنى الحنين
خربتى
بيتك بإيديك
وبكره هتحصدى
نتيجه خيانتك
وإنتى
واقفه بتتلفتى
شمال ويمين
أصل
الل ساعدوكى
وسلطوكى
هيمشوا ويختفوا
فى سكة
اللى رايحين
ومش راجعين
وهتلاقى
نفسك وحدك
وعلى دماغك
شايله الطين
وأنا مش زعلان
ولا ندمان
بالعكس
بحمد ربنا
اللى أنقذنى
من أم الخاينين
بالسلامه
والقلب داعى لك
فى داهيه
فى 2
قولى 60
******