الشاعرة فكرية بن عيسى

غلبت اصالح نفسي معاك لقيتنى مخصماك
صالحت روحى بيك لاجل ارضى وانسى خصامى ليك احترت ما بينهم وحيرنى قلبى
ساعة بيسلم ويرضى يرجع يتألم ويعاند ويزيد دلاله
غيرتك هى ال قست قلبى عليك
سهرت طول الليل فى صلح وخصام
وكلام
والفجر شقشق علينا وحرمنى النوم
ناحت عينى وأشتكت للجفون
فين حبيبى ال ساكن فيها
هجر مكانه ليه عينى مين يدفيها
اتارى حبيبى سارح بالقلب ينظم دقاته
يتغنى باسمى ويسمع همساته
اتلاقوا هما الاتنين
نسيو البكاء والانين
اتصافوا وارتاحوا
الروح تقول للعين زيك ما شفت اتنين
تضحك عيونى الاتنين تفرش الحلم للروح تحضنه وتسافر
فكريه بن عيسى