اعمال ادبيةتوثيقات
حلال و حرام .. الشاعر صبري رسلان
حلال و حرام (614)
……………..
يا إبن الحلال ما تخلنيش
في هواك ضحيه
مش كل كلمه شهور خصام
وتقوم قضيه
هو الغرام عندك حلال
حرام عليا
لو أحن ليك وأشتاق إليك
بتلوم عينيه
بدارى بين نسمه دفاك
بتزيد آسيه
لحد إمتى الصبر طال
ما تحس بيا
وكسرت خاطري فى كل شوق
جيت ليه عليا
القلب بدموعه إشتكى
يحلف ما شاف جواك ندى
ومشاعره تاهت من زمان
إتبسيمت ولا جاها ليل
حارمه هواك ولا داق هنا
جاي تقول أحاسيس مفيش
ظلمت روح ملهاش دوا
طفيت شموع فرحك خلاص
وهقيدها تاني لحزني أنا
بقلم .. صبري رسلان
