الشاعر احمد_الكمنورى
اسلاك وحواجز شوك
بتحجزنا وتعجزنا نفوت ونخش
وساعات تتحدد أحلامنا بميزان الحس
نحس بأن الكون غابه
وضمير معدوم ومفيش رحمه
ومفيش أحساس
وكاسات الهم بتشربنا
وأهات البعد بتوجعنا
أنا وياكى …
الاقيكى على شط العتمه
وأنا واقف وسط سراب
انابستناكى ……
ومنيش شايف قدامى جدار
ولانيش شايف محاسيب
ولا ضرب بنار…..
ولا صوت عالى ولا فك حصار
وجدار الخوف مخوفنا
ومكتفنا بحبال الموت
ولا نيش قادر منه أرجع ولا قادر أفوت
ولا اعدى الخط المتكهرب
علشان أهرب أوصل ليكى
ولا قادر أشوف منك شعره
ولا قادر اطول منك ضفره
ولا نيش عارف أكتب أشعار
ولا قادر أبكى وابكيكى
وقفلت الدار…….
وفتحت الشباك الشرقى
اشم الاخبار……
يمكن يوصلنى خبر عنك
أو ييجى طيفك فى منامى
أو صورتك تطلع قدامى
اتحسسها………
أوسيرتك تخطر على بالى
أتونسها…….
وأستنا تجينى فى منامى
أقولك عنى…….
واحكيلك قصه حب زرعتيها جوا الننى
وطرحتى الشوق وجنيتى الآه
وطفحتى الكيل اللى قتلنى
واشربتى عذاب حبى وحبك
وأنا شايف اخر حكايتنا
هتجننى..
*بقلمي احمد_الكمنورى
#
