صوت الكرامة .. الكاتبة عبير جويدة

#صوت_الكرامة.
#عبير_جويدة.
مع كامل إحترامي لنبل النوايا وفيض المحبة:
ماتجيش على نفسك عشان العلاقة تنجح وتستمر لأنك
كل مرة بتدوس على مشاعرك فيها وبتضحي وتدوس على نفسك بتقصر عمر العلاقة وتسممها وبتحولها لمشاعر سلبية من إللي بتوجع القلب، وكمان بتعجل بنهايتها عشان أكيد إنت بعد فترة هتنفجر ومعتش هتتحمل.
وخليك متأكد إن اللي بينجح العلاقة هو التكافؤ والاحترام والمودة مش خضوع طرف لأنانية الطرف التاني.
وخطأ إنك تقول مفيش كرامة فى الحب لأن الحب فى حد ذاته كرامة.
ماتجيش على نفسك ولما تزعل خد موقف وإعترض واللي يحصل يحصل طالما إنت صح وعلى حق.
ولو اللي معاك شاريك هيقدر مشاعرك ويحاول معاك في تصحيح الأوضاع وتبقى شوية عليه وشوية عليك والدنيا تمشي.
لكن لو أستغل حبك وداس عليك يبقى مع السلامة بقى هو كدا كدا كان هيمشي عاجلا أم آجلا.
على الأقل لما العلاقة تبقى ذكرى وتفتكرها تقول كانت صعبه وشبه مستحيله وأنا عملت إللى عليا لكن مفيش نصيب.
ايوا هتتوجع وقتها من الفراق بس مش من المذلة كمان.
#عبير_جويدة.