الشاعر د. عيسى السلامي
♥️سمح الملامح…
قصيدة بالعامية
“اللَّي ما حـبّ في حيـاتُـه
عُمـره ضاع كُـلـَّه هَدَرْ”
🌹برضـي بغفـر لـَكْ و اْسَامِحْ
ما بـغـيِّـر فـكـرتـي
انـت يا سمـح المـلامـح
سـرّ حـُبـي وبهـجـتـي
ما بعـاتـبَـكْ ما بلـومـَك
ما بـخـلـيـك تـعـتـذر
انـا يسعـدنـي قـدومِـك
راضـي مهمـا انـتـظـر
🌹روحي تـفـرح يوم تشـوفِك
تنـسىَ لحـظـات العـنـا
قلبي يا كامـل وصـوفـك
تغـمـرُه فرحـه و هـنـا
ربـنـا يـديـم السـعـاده
والـمـحـبـه بـيـنـنـا
عُمـري ما بطـلـب زيـاده
فـوقـك انــتَ يا جـنـا
🌹شـفـتَ كيف (النيل الأزرق)
عـدَّا يرقـص جـنـبـنـا
السماء تُمـطـر و تُبـرق
مـن حــرارة حُــبـنـا
والزهور نشـوانـه كانـت
بـحـفــاوه تـزفـّـنـا
قلْ لي :
يا بهجة حـيـاتـي
يـا ســروري والـمـنـا
مين في هاذي الدنيا اسـعـد
يا (حـبـيـبـي) مـنـنـا
🌹انت عـارف يا حبـيـبـي
إنُّو صالحـنـي الـقـدر
و انو من ساعة عرفـتَـك
اصلو ما عـرفـتَ الـكَـدَر
عشـت مـن قبـلك مآسـي
كــلَّ اوقـاتــي قَـهَـر
باختـصـار كانت حيـاتـي
صحـرا ما تعـرف مـطـر
🌹ما بتشوف عيـنيـّه غيـركْ
في البشر حلـو وجـمـيـل
مستـحـيـل ترضى بديـلَكْ
أي مخـلـوق مستـحـيـل
قـلبي حالـف بعـدك انـت
انو ما يِهْـوَىَ ويـمـيـل
كيـف يطاوعني ضمـيـري
انسـى حُـبـك يا اصـيـل
🌹ويـلنا مـن الحـبِّ لـمَّـا
نـبـتـلـي بُهْ في الكِـبَـر
ثـانـي نرجـع للمـعـانـاه
للـتّـنـهـد و السـهــر
يافـؤادي الحـبَّ نـعـمـه
فـيـه سـعـاده للبـشـر
واللَّي ما حـبّ في حيـاتُـه
عُمـره ضاع كُـلـَّه هَدَرْ
شعر
د. عيسى السلامي