الشاعر عاطف سيطان البربور

من كان طول الوقت سور الكرامه
ما طال ناب الذيب ليفدع بشاه
دايم على الاشهاد شامه وعلامه
بالطيب والمعروف مع دلف يمناه
يمشي بدروب العز الكلها شهامه
حر الضمير وينطق الحق من فاه
يبقى مناره وما تطولو الملامه
يصون الوفا والود والحق مبداه
خلك رفيقه واحتفي بالسلامه
اجعل مراحك مخالط شياهك شياه
ولا تلتفت للي همه الزعامه
يقلط على الخيبات والنم مبغاه
مثلوم فعله يكتفي بالخصامه
رضع الحقد والزيف وخالط مع الباه
رعد بليا همول ورزم الغمامه
مثل الذي يضحك وسوده طواياه
نيال من هو ما تطوله الندامه
وما تنحرف عن الحق أربع زواياه
لين المرء له وقفة بالقيامه
بخيت من هو طوع امره لمولاه

شعر : عاطف سيطان البربور