الشاعر يحيى حسين

ألوان الحب
بقلمي يحيى حسين

بيغيب الحب وننساه
ونرجع نفتكره من تاني

والحب حقيقي يا محلاه
وأصعب حاجة في أحزاني

الحب حلم بنحتاجه
نحتاجه وهو ما محتاجنا

بياخدنا بعيد بأمواجه
يغرقنا الحب في أمواجنا

يشوقنا لبكرة ولبعده
نايمين صاحيين علشان بكرة

وجربت كتير كمان بعده
وقسيت إمبارح من الذكرى

وكمان اليوم قسيت تاني
فكرني الحب بأحزانه

رسمت الحب بألواني
والأسود أصعب ألوانه

يحيى حسين القاهرة
31 أغسطس 2022