وجوهٌ مُزيفة .. الشاعر رفيــــــــق مقلد

وجوهٌ مُزيفة
قديش تغيرنا وشو صار
ملبك هالحكي وبيغار
ماعاد فيه حلا بهالدني
وضحكي مزيفي عوجوه كثار

تغير علينا البعض ياربي ليش
مثل الزهر عسطور الدُشيش
مرا شيش ومرا يقلب البيش
ومحبوسي فرقت أهل الدار

انفوس اختلفت وياحيف
مثل وراق عطراف الخريف
صرنا اطرش وواحد كفيف
وشو قاسي هالزمن صار

بانت حقايق وشد الاحمال
شبعنا مرجلي من قيل وقال
وعند اللزايم اتنكروا الأوصال
والأكثر صاير جلمود ومغوار

ياحيف أيام كنا ننجد الملهوف
وتاهت الكلمي بصرف ظروف
ضيعنا النحو وحتى الحروف
وصار الأمل فينا يشبه الصبار

قطعنا ارحام من جد الجدود
بحجة ارواح بشيطانها موجود
ت تشمتوا قلال الأصل والجود
وحتى البكي بعيونا ملااا اجرار
رفيــــــــق مقلد
ســــــــوريــــــــا
الســــــــويــــــــداء
9/2/2024