تخاريف
الجزء الثاني .. الشاعر حسن محمد علي

#تخاريف
الجزء الثاني
……
#كوباية_الشاي
وقعت على تخاريفي
على أكلي على رغيفي
لقيت بواقي كلام متنطور
وألف شيطان لتخويفي
..
#واللي_جاي
ربيع عمري ولا خريفي
ولا ظلم واقف لتشريفي
هيغدر بيا في الزحمه
ويشوه ملامح تعريفي
..
#طب_إذاي
أشيل كفني وانا المقتول
وانا اللي في حُبها مسحول
وراضي بكل شئ منها
مع اني في قلبها مجهول
..
#قول_يا_ناي
وسمع قصتي لكل الخلايق
انا لو لنفسي مش طايق
بكون معاها حنين اوي
وبخلي مزاجها رايق
..
#هتيجي_معاي
هفضل صابر على عِنادك
على مُرك على بِعادك
على طريقك التايه
لحد ما تقربي ميعادك
..
#كوباايه_الشاي
من إيدك لها طعم تاني
ياللي من سنين مغلباني
وقلبي التايه في دروبه
إرتاح في قلبك يا مجنناني
…..
#تخااريف
الجزء الثاني
حسن محمد علي